جمعرات‬‮   22   فروری‬‮   2018

کہاں ہیں وہ لوگ جنہوں نے موٹر وے سے جانے کا مشورہ دیا تھا، نواز شریف کااستفسار


اسلام آباد(مانیٹرنگ ڈیسک)سابق وزیر اعظم نواز شریف نے استفسار کیا ہے کہ کہاں ہیں وہ لوگ جنہوں نے موٹر وے( سے جانے کا مشورہ دیا تھا۔ پنجاب ہاس اسلام آباد میں نواز شریف اور پارٹی رہنماں کے درمیان بات چیت ہوئی۔ اس دوران طلال چودھری نے جی ٹی روڈ لانگ مارچ پر نواز شریف سے مکالمہ کرتے ہوئے کہا کہ یہ وہی کمرہ ہے جس میں آپ نے جی ٹی روڈ سے لاہور جانے کا فیصلہ کیا تھا، وہ ٹرننگ پوائنٹ تھا جب آپ نے فیصلہ بدلا اور جی ٹی روڈ کا انتخاب کیا۔ نواز شریف نے سوال کیا کہ کہاں ہیں وہ لوگ جو مجھے موٹروے سے جانے کا مشورہ دے رہے تھے؟ اس کمرے میں کوئی وہ مشورہ دینے والا موجودہ ہے؟ نواز شریف کے سوال کے جواب میں پارٹی رہنماں نے کہا کہ ایک صاحب نے تو کہا تھا کہ جہاز لیں اور پنڈی سے لاہور چلے جائیں، وہ صاحب اب یہاں موجود نہیں ہیں وہ ناراض ہیں۔ طلال چودھری نے کہا کہ ہمیں نواز شریف کی واپسی چاہئے، آئندہ حکومت بن جائے گی مگر نواز شریف کی واپسی ضروری ہے، آپ نے پہلی بار حکومت اور غلامی کا فرق بتایا ہے، 5، 10 سال کی غلامی کی تو آفر ہو رہی تھی، گزشتہ 5 ماہ میں اپنوں سمیت بہت لوگوں نے آپ کا راستہ روکنے کی کوشش کی، ہماری جیت نواز شریف کی واپسی سے ہو گی۔
استفسار

© Copyright 2018. All right Reserved