اتوار‬‮   27   مئی‬‮   2018

افسران ججز کی دہری شہریت جاننے کیلئے مخبری نظام بنائینگے،سپریم کورٹ

ڈی ایم جی، پی ایس پی، سیکرٹریٹ اور آفس مینجمنٹ گروپس سے تفصیلات طلب، جواب نہ دینے والے کیخلاف کارروائی کا انتباہ
مخبر کو انعام دینگے، دہری شہریت والا افسر گڑ بڑ کرکے باہر بھاگ جاتا ہے، بیوی بچے باہر رکھے ہوئے ہیں، چیف
اسلام آباد ( نیوز رپورٹر )عدالت عظمیٰ نے سیکرٹری اسٹیبلشمنٹ سے دوہری شہریت رکھنے والے سرکاری افسران و ملازمین سے متعلق 25روز میں رپورٹ طلب کر لی۔ چیف جسٹس نے وفاقی سیکرٹری کو خبردار کیاہے کہ اگرعدالتی حکم کی تعمیل نہ ہوئی تو ذمہ داروں کے خلاف ایکشن لیں گے عدالت نے تمام صوبوں کے چیف سیکرٹریز،تمام وفاقی وزارتوں کے سیکرٹریز اور متعلقہ اداروں کے سروس ایڈمنسٹریٹرز کونوٹس جاری کرکے ان سے بھی دہری شہریت رکھنے والے افسران و ملازمین کی رپورٹ طلب کرلی ہے،سماعت کے دوران چیف جسٹس نے سیکرٹری اسٹیبلشمنٹ سے استفسار کیا کہ ہمارے حکم کی تعمیل کیوں نہ ہوئی؟ سیکرٹری اسٹیبلشمنٹ نے جواب دیا کہ تمام اداروں سے عدالتی احکامات پرتفصیلات منگوائی گئیں جن میں سے دوصوبوں کی رپورٹ آچکی ہے لیکن ابھی اداروں سے مزید رپورٹس آنی ہیں اس لئے حتمی رپورٹ کیلئے وقت دیاجائے چیف جسٹس نے کہاکہ وفاقی سروس کے چار گروپس ہیں جوتفصیلات نہ دیں ان کے خلاف ایکشن کیاہوگا ؟ اگر ایک ہفتے کے اندر رپورٹ نہ آئی توذمہ داران کے خلاف توہین عدالت کی کاروائی کریں گے ، چیف جسٹس کا کہنا تھا کہ 43وزارتوں میں سے 20کی رپورٹ آچکی ہے سرکاری لوگ اپنے بچوں کوباہرسیٹل کرلیتے ہیں یہاں گڑبڑ کرنے پرپکڑے جائیں توباہرچلے جاتے ہیں فاضل چیف جسٹس کا کہنا تھا کہ جس شخص نے دووفاداری کے حلف اٹھائیں ہوں گے ان کی وفاداری کس کے ساتھ ہوگی۔ اراکین پارلیمان کو دوہری شہریت پر نااہل کیاگیاچیف جسٹس نے کہاکہ یہاں کے مفادات اوروہاں کے مختلف ہوسکتے ہیں ہمارے پاس معلومات مکمل ہونی چاہیے اگرکسی نے دوہری شہریت چھپائی مخبری دینے والے کوایوارڈ دیں گے اور دوہری شہریت چھپانے والوں ایکشن ہوگا یہ طے کریں گے ابھی ہم صرف دوہری شہریت کے حوالے سے معلومات لے رہے ہیں ۔ گریڈ 22میں جانے والے افسرسن بھی دوہری شہریت کے حامل ہوسکتے ہیں عدالت نے کیس کی مزید سماعت یکم مارچ تک ملتوی کردی ہے ۔ 


loading...
© Copyright 2018. All right Reserved